NLW MS. Peniarth 32 (Y Llyfr Teg) – page 132
Llyfr Iorwerth
132
penn y pedwyryd dyd ar|dec wedy ganher. Tran+
noeth; pedeir ar|hugeint. ac os ar yt y keffir; kym+
meint o·honaỽ ac o|e vam. ac o cheiff vn dyd o|r
eil vlỽydyn; pedeir ar|hugeint ereiỻ. yny vo ỽyth
a|deugeint. ac ueỻy hyt y dryded vlỽydyn. ac yna
trugeint a|dal. ac yna y dyly uot yn ffrỽyndof.
Ac yna y|dylyir gỽneuthur y diwyỻ arnaỽ. nac
amỽs. na phalffrei. na gỽenituarch vo. Amỽs
yn|y tri thymhor ny chyỻ na|e werth na|e vreint
yr pori aỻan o hanner ebriỻ hyt hanner mei.
a mis hydref yn|y hyt. ac odyna kyn·ny bo na+
myn teir|nos a|thridieu ym|pasc; punt a|tal.
Palffrei; chweugeint a|dal. Rỽnsi; chweugeint
a|dal. Sỽmervarch; chweugeint a|dal. Gỽein+
ytvarch; trugeint a|dal. March gỽyỻt; trugeint
a|dal. Stalỽyn kymeint yỽ gỽerth y dỽy geiỻ;
a dỽy gassec. ac arnaỽ e|hun y dryded. Sef yỽ
hynny; naỽ ugeint. Dan dri heint y dylyir
bot am teithi march; rac yr|ehegyr; tri gỽlith.
rac y ỻynn meirch; vlỽydyn. Rac y du esgeue+
int; teir ỻoer. Ac ydan lỽyc yny varchockaer
teirgỽeith yn tyrua dynyon a meirch. ac o·ny
lỽyca yna; bit ryd y neb a|e gỽertho. ac o ỻỽy+
ca ynteu; atuerer. traean y gỽerth. a|e broui
ynteu kynn penn y teirnos a|r tri·dieu. Gỽ+
erth troet march y werth yn gỽbyl. Gỽerth
| « p 131 | p 133 » |