NLW MS. Peniarth 32 (Y Llyfr Teg) – page 258
Brut y Saeson
258
vn o|e verchet oed attal gỽreic Jarỻ Bloes. y Robert
y mab hynaf idaỽ y·d|edeỽis tref y dat yn Normandi
y Wiỻiam goch y·d|edeỽis loeger a eniỻaỽd ef o e|gledyf y
henri y·d|edeỽis loeger y hoỻ dryssor a|e sỽỻt. [ y|chỽechet
vlỽydyn o|e deyrnas y kymerth gỽrogaeth y|moelcỽlỽm
brehin predein Ac yd ymchoelaỽd y loeger a gỽystlon
o prydein gantaỽ. vn vlỽydyn ar|bymthec y gỽledychaỽd
Ac namyn vn vlỽdyn trugeint oed pan vu varỽ
Ac yn tam y|cladỽyt. [ Seith mlyned a lxxx a
Mil. oed. oet. crist pan ỽledychad* gwilim goch y vab ef a hỽnnỽ
a erlynaỽd gỽrthvynybedigyon gyghoreu. Ac a|ymrodes
y dretheu ac ymladeu hael byrỻafyaỽc a|thrahaus
a chreulaỽn oed ac ny|pharchei na duỽ na dyn namyn
treissaỽ paỽb a mab maeth oed y laỽinfranc archescob
freinc. Ef a|deholes Anselm archescob keint o achos. y|a+
greiffyaỽ am y drỽc. Ef a anoges yr Jdeon ac a|e kyn ̷ ̷+
horthỽyaỽd y ymlad a|r cristynogyon. Ef a|ossodes
andiodefedic treth ar hyt y deyrnas yny oruu dinoethi
esgrinoed y seint. Ac yspeilyaỽ y|crogeu a thodi y ca ̷+
recleu. Ef a vahardaỽd yr hoỻ helẏ ar hyt y dernas
Robert y vraỽt a|ỽystẏlaỽd ydaỽ Normandi ar dec Mil
o vorkeỽ pan aeth y gaerussalem. Ac yn|y ỻe y|kynyc+
pỽyt ido brenhineaeth gaerusalem ac ny|s mynaỽd.
Mal yd|oed Wiỻiam Goch yn hela yn|y forest neỽyd yn|y
ỻe y|distryỽassei ef laỽer o eglỽysseỽ y brathỽyt ef
a saeth y gan vn o|e vyr e|hun. yn bỽrỽ gỽydlỽdyn.
| « p 257 | p 259 » |