NLW MS. Peniarth 32 (Y Llyfr Teg) – page 37
Llyfr Iorwerth
37
o|r seithuet vlỽydyn aỻan. ac yscar onadunt;
rannent yn|deu hanner pob peth o|r a vo ar eu helỽ
ac yn|eidunt. Y wreic bieu rannu; a|r gỽr dewis+
saỽ o|r petheu ny ranno kyfreith. y·rygthunt. O|r byd
geifyr a|deueit; y deueit y|r gỽr. a|r geifyr y|r wreic.
ac o·ny byd namyn y|neiỻ; eu rannu yn deu han+
ner. O|r meibyon; dỽy ran y|r tat. ac vn y|r vam.
Yr hynaf a|r ieuhaf y|r tat; a|r peruedaf y|r vam.
Val hyn y renhir; ỻestri y ỻaeth dyeithyr vn pae+
ol y|r wreic yd ant. Yr hoỻ dysgleu. dyeithyr un
dysgyl y|r wreic yd ant. a|r deu hynny y|r gỽr yd
ant. Y wreic a|dyly y carr a|r ieueu. y dỽyn y
dotrefyn o|r ty. Y gỽr a dyly hoỻ lestri y ỻynn.
Y gỽr a|dyly y ridyỻ. a|r wreic y gogyr man. Y
gỽr a|dyly y|maen uchaf o|r vreuan. a|r wreic yr
issaf. Y diỻat a vo y·danunt. y gỽr bieiuydant
yny wreicaho. ac odyna goỻyghet y diỻat y|r
wreic. ac os gỽreic araỻ a gỽsc ar y diỻat; talet
wynebwerth idi. Y gỽr bieu y gaỻaỽr a|r bryc+
can. a gobennyd y traỽsdyle. a|r kỽỻtyr a|r vỽy+
aỻ gynnut. a|r taradyr. a|r pergyg. a|r cryma+
neu oỻ dyeith* vn cryman. a hỽnnỽ y|r wreic.
Y wreic bieu y badeỻ a|r trybed. a|r uỽyeỻ ly+
dan. a|r gỽdyf a|r sỽch. a|r ỻin achlan. a|r ỻinat
a|r gỽlan. a|r trithgỽt* dyeithyr eur neu aryant.
a hỽnnỽ o byd y rannu. ac y·sef yỽ y trithgỽt.
| « p 36 | p 38 » |