NLW MS. Peniarth 33 – page 176
Llyfr Blegywryd
176
a|dalho neu a|wertho llo. neu di+
naỽet. meichet dros ẏ|dilẏssrỽ+
ẏd. A|bit dros deu gleuẏt. rac ẏ
dera tri dieu a|their nos. ~ Ac rac
ẏ clauiri* o|wẏl ẏr holseint hit
ỽẏl badric. ẏ|neb ẏ|del idaỽ nẏ dẏ+
lẏ ẏ|dỽẏn ẏmplith aniueileit cla+
uur. nac ẏ|tẏ ẏ|bei aniueileit ̷ ̷
clauur ẏndaỽ seith|mlẏned kẏn
no hẏnnẏ Y neb a|ladho aniue ̷+
il dẏn araỻ ẏnn|ẏ uuarth ẏn|lle+
trat. a|hẏnnẏ ẏn|honeit talet
ẏn deudẏlẏc*. ~ ac os gwatta ef
gỽadet ar|ẏ petuerẏd ar|hugeint
o|e|gẏfnesseiueit Y neb gyme ̷+
ro abo|ỻỽdẏn dẏn arall heb ẏ|gan+
nat. talet drostaỽ lỽdẏn araỻ
vn rẏỽ ac vn werth ac ef. A
thri|buhẏn camlỽrỽ ẏ|r bren+
hin. Y|neb a|gẏllello anẏueil
marỽ dẏn araỻ; talet anẏueil
vn rẏỽ ac ef drostaỽ. a|their bu
camlỽrỽ ẏ|r brenhin. ~ ~ ~ ~ ~ ~
Gwerth ebaỽl o|r pann anher.
| « p 175 | p 177 » |