NLW MS. Peniarth 35 – page 11r
Llyfr Cynog
11r
na phallo un o·nadunt nac ar eir nac
ar tystollaeth. Ranher yn deu| hanner
y rygtunt. A llyma y trydyd lle y rann kyfreith.
Os trỽy dadanhud y haỽl. a bot yno da+
danhud arall kyn noc ef. Ny eill yr eil
dadanhud gyrru y kyntaf. Ony byd yn+
teu dadanhud kyn no hỽnnỽ. A mynnu
o|r amdiffynỽr ardelo* o priodolder. Ac ar*+
delo o|r haỽlỽr heuyt o priodolder a phob
un yn ardelo* o priodolder ny eill un o+
nadunt gwadu y gilyd a| hon a| elwir da+
dyl ym·ỽrthryn. Os o kyfnewit y
haỽl a dywedut o·honaỽ rodi da dros y tir
mab y neb a|e kyfnewidyaỽd a| eill dỽyn
y tir dracheuyn gan talu y da o·honaỽ;
Pob da traghedic yỽ. Pob tir tragywyd+
aỽl yỽ. Ac ny dylyir rodi peth tragy+
wydaỽl yr peth traghedic. Ac ỽrth hynny
ny dylyir roi na chyfnewidyaỽ tir yr da
Os trỽy loc y myn y holi Ef a dyly pro+
ui y lloc. A phroui y|r·y|uot mỽynant id+
aỽ ar y tir trỽy tyston adỽyn. Ac ony
eill yr amdiffynnỽr mynet yn erbyn
rodher y tir Os geill ynteu Ef bieu tyngu
y tir Canys gantaỽ y mae y kygwarchadỽ.
| « p 10v | p 11v » |