NLW MS. Peniarth 35 – page 89v
Llyfr Iorwerth
89v
Nyt a galanas yn ol tan. Pỽy| byn+
hac a losco godeitheu namyn y maỽrth
ef a|e tal. Gwedesseu a gymeront
gweeu attunt. O chollir wynt a| dyly+
ant eu talu Can dylyant eu kadỽ rac
pob collet. Nyt oes kyflauan a| wnel
tan ar knaỽt dyn a diwyker heb we+
ithret dyn y gyt ac ef. O deruyd dyf+
ot moch y ty a gwasgaru y tan yny
losco y ty a dianc y moch; Talet perch+
ennaỽc y moch y ty. O|r llysc y moch
kehyded ynt. Ac vrth hynny yn lle bo
kehyded yg. kyfreith. Ny diwygir namyn eu
bot erbyn yn erbyn. Na dyget neb
tan heb ganyat. Ac os dỽc. Talet cam+
lỽrỽ kyny wnel dim ac ef. Na rodet
neb tan heb vybot beth a wnelher ac ef
ac os ryd. talet y weithret. O deruyd y
dyn yn dỽyn tan o ty ehedec tan y gan+
taỽ Talet y weithret Ony eill bỽrỽ
rann ar y tan ohonaỽ. Ny byd ene+
it uadeu neb yr treis. Sef achos yỽ
Sarhaet yỽ yr neb a treisser a her+
wyd y ureint diwyker idaỽ y sarha+
et a|e da a dirỽy yr arglỽyd; ~ ~ ~ ~
| « p 89r | p 90r » |