NLW MS. Peniarth 36A – page 41r
Llyfr Blegywryd
41r
A naỽ y rodi mach. A naỽ y rodi gỽir or
haỽl deissyfyt. Haỽl vn gantref. tri dieu
y rodi atteb. a thri y rodi mach. a thri y
rodi gỽir. Yn| y cantref nessaf; pump ni+
eu y rodi atteb. a phump y rodi mach a
phump y rodi gỽir. Yn| y cantref trydyd;
naỽ nieu y rodi atteb. a naỽ y rodi mach.
a naỽ y rodi gỽir. Oet arwaessaf yn
vn gymhỽt. neu yn vn gantref. tri dieu.
Os yn arglỽydiaeth arall yn agos. naỽ
nieu. Ac ny dodir y teruyn ar duỽ sul
nac ar duỽ llun. Oet arwaessaf y|g·wlat
arall neu am dỽfyr maỽr. neu am lanỽ.
pytheỽnos ac nyt mỽy. Petwar ag+
hyfarch gỽr ynt. y varch. ae arueu. a
thỽnc y tir. Nyt oes ym|pob dadleu
onyt petwar peth. Gỽys. a haỽl. ac atteb
a barn. Punt yn| y vlỽydyn a dyry y pen+
kenedyl yr brenhin. Pob gỽr ryd rỽg gỽyl
holseint a gỽyl marthin y tal yr arglỽyd
yr hyn a dylyho y talu. Penkenedyl biei ̷+
uyd pob sỽyd or a uo yr genedyl. ac or
| « p 40v | p 41v » |