NLW MS. Peniarth 36A – page 42r
Llyfr Blegywryd
42r
tir eglỽys vdunt. Y neb a wnel gỽaet
ar abat vn or eisteduaeu arbenhic rac ̷+
dywededic. talet seith punt idaỽ. a gol ̷+
chydes oe genedyl yr gỽaratwyd yr
genedyl. ac yr cadỽ cof am y dial.
Pump nyn nessaf y werth y wadu
beich kefyn ony holir yn lletrat ony
thal vgeint. Deudegwyr y wadu gỽ ̷+
erth trugeint ony holir yn lletrat.
Petwar gỽyr ar| hugeint y wadu gỽerth
wheugeint. Vyth wyr a deu vgeint
a watta punt neu y gỽerth ony ho+
lir yn lletrat. Seith a watta mỽy no
beich kefyn. Tri dyn a watta llei no
beich kefyn. Deudegwyr a watta pỽn
march ony holir yn lletrat. Ac velly
y holir pob da ony holir yn lletrat.
OR pan dotter yr yt yn| y dayar
hyny el yn| y yscub; aryant a| daỽ
drostaỽ. Ac odyna yscub iach yn lle y
glaf. O pob march a uo hual neu la ̷+
wethyr; keinhaỽc y dyd. a dỽy y nos.
| « p 41v | p 42v » |