NLW MS. Peniarth 36B – page 23
Llyfr Blegywryd
23
llỽ kan ỽr y diwat gellỽg y waet
or gofynnir. Dros pob vn or eil tri;
deu naỽ vgeint a telir a llỽ deu can ̷+
hỽr y wadu llofrudyaeth. Dros
pob vn or tri diwethaf; y telir tri
naỽ vgeint aryant a llỽ trychan+
hỽr y wadu llofrudyaeth or gofynir
Pỽy bynhac a watto llofrudyaeth
ae haffeitheu yn hollaỽl. llỽ degwyr
a deu vgeint a dyry a reith y|wlat
yỽ honno. a diwat coet a maes
y gelwir. ac yn gyffelyb y hynny
pỽy bynhac a|watto llofrudyaeth
ar wahan y ỽrth yr affeitheu neu
vn affeith heb amgen. llỽ degỽyr
a deu vgeint a dyry. ac val hyn ̷+
nny y mae am losc ac am letrat
ac eu haffeitheu. or holir y llosc
o treis neu letrat. ac or lloscir
| « p 22 | p 24 » |