NLW MS. Peniarth 37 – page 29r
Llyfr Cyfnerth
29r
a| tal. Hyt aỽst deudec. keinaỽc. kyfreith. a| dyrch+
eif arnaỽ yna a deudec heuyt bob tym+
hor a dyrcheif arnaỽ hyt kalan mei;
Teir blỽyd uyd yna. Ac yna un ar pym+
thec a phedwar ugeint a| tal. y dyd y
dalher ugeint a dyrcheif arnaỽ Pan
frỽynher pedeir. keinaỽc. a| dyrcheif arnaỽ
ac yna hanher punt a| tal. Ac or byd
amỽs ae porthi chwech ỽyth·nos punt
a| tal. Pedeir ar| ugeint yỽ gwerth ra+
ỽn amỽs or torir y maes or coloren Or
torir y coloren gwerth yr amỽs oll a
telir a dilis uyd yr amỽs yr neb ae
llygrỽys. llygat amỽs ae clust pede+
ir ar| ugeint pob un o·honunt. Mỽng
march pedeir. keinaỽc. kyfreith. a| tal. Chweuge+
int yỽ gwerth rỽnsi. Raỽn rỽnsi ae
lygat ae clust. deudec. keinaỽc. yỽ gwerth
pob un o·honunt
| « p 28v | p 29v » |