NLW MS. Peniarth 37 – page 61r
Llyfr Cyfnerth, Llyfr y Damweiniau
61r
assam kyfreitheu llys a chyfreitheu yr
gỽlat.*O hyn allan. or damweineu.
POb kyulauan a wnel dyn oe
anuod diwyget oe uod. O
deruyd y dynyon ynuyt llad dyny+
on ereill; Talher galanas drostunt
mal dynyon pỽyllaỽc. Canys kene+
dyl a dyly eu cadỽ rac gwneuthur
cam o·honunt. Pa dyn pỽyllaỽc
bynhac a lado ynuyt. Talet gala+
nas mal galanas dyn pỽyllaỽc. Ny
diwygir sarhaet a| gaffer gan yn+
uyt. Ac ny diwygir sarhaet a| gaf+
fo ynteu. Nyt gỽneuthuredic
dim or a wnel dyn medỽ na mach
a rodho yn| y ueddaỽt na fyd arall
a adaỽho. O deruyd bot dyn yn gyn+
deiraỽc. A brathu dyn arall o·hon+
aỽ ae danhed ac or brath hỽnnỽ dy+
The text Llyfr y Damweiniau starts on line 2.
| « p 60v | p 61v » |