NLW MS. Peniarth 38 – page 15v
Llyfr Blegywryd
15v
Galanas bonhedic canhỽynaỽl a|telir
tri a|thrivgeint mu gan tri drychafel.
y sarhaet a telir o deir bu a|thri vgeint
aryant. Os gỽr breyr a vyd bonhedic
canhỽynaỽl pan lader yg|gorỽlat; ỽhe
bu a|geiff y breyr y gan y llofrud. Kymro
vam dat vyd bonhedic canhỽynaỽl heb
gaeth a heb alltut a heb ledach yn·daỽ.
Gỽerth bilein brenhin; teir bu a|thri v+
geint mu gan tri drychafel. a|e sarhaet
a|telir o deir bu a|thri v·geint aryant.
G·ỽerth bilein breyr; hanheraỽc vyd
ar alanas bilein brenhin. ac velly y
sarhaet. G·ỽerth alltut brenhin; yỽ
teir bu a|thri vgeint mu heb drychafel.
a|e sarhaet a|telir o teir bu heb achỽanec.
Gỽerth alltut. breyr; hanher gỽerth
alltut brenhin. a|e|sarhaet velly. Gỽe+
rth alltut bilein; hanher gỽerth alltut
breyr. B·renhin a geiff. trayan pop ga+
| « p 15r | p 16r » |