NLW MS. Peniarth 38 – page 24r
Llyfr Blegywryd
24r
yn lle etifedyon idaỽ N·y|dichaỽn neb dilyssu
tir o gyfreith yn erbyn y etifedyon y|arall onẏt
ar eu kytles. neu gyfundeb. neu o agheneu ky ̷+
freithaỽl. na rodi ohonaỽ dim ar yspeit heb
teruyn gossodedic y gallo y etifedyon y|dillỽg.
os dros da y|rodir rac aghen. ac na|dotter ar ̷+
naỽ namyn deuparth y|ỽerth. Onyt velly y
byd. y etifed a|e keiff pan y gofynho. o|r dich ̷+
aỽn ỽrtheb drostaỽ. Y neb a gaffo y tir dylyet
trỽy dadleu yn llys a|thrỽy varn; ac na allei yn
amgen. ny dyly talu prit drostaỽ. ac ny dyly
gollỽg dim o|r da kyffro a ordiỽedho ar y tir
y|r kynhalyaỽdyr. Y neb a|bressỽylo ar tir dyn
arall heb y ganhat dros tri diỽarnaỽt; holl da
kyffro hỽnnỽ perchennaỽc y|tir bieiuyd yn di ̷+
lys os ardiỽed ar y tir Tri ryỽ prit yssyd ar tir.
vn yỽ gobyr gỽarchadỽ. Eil yỽ yr hyn a|roder
y achỽaneccau tir neu y|vreint. Trydyd yỽ
llafur kyfreithaỽl a|ỽnelher ar y tir y bo gỽell
y|tir yrdaỽ. O|r keis dyn ran o tir y gan y ger ̷ ̷+
| « p 23v | p 24v » |