NLW MS. Peniarth 45 – page 180
Brut y Brenhinoedd
180
uthur pendragon y goruot. A duỽ yn|y gan+
northỽyaỽ. Ac Odyna y bryssỽys ef par+
th|a chaer wynt. Canys kennadeu ar
dothoed attaỽ y uenegi idaỽ marwolaeth
y brenin. Ar daruot y esgyb y wlat y cladu
ger llaỽ mynachloc ambri. O uyỽn kor
y keỽri y lle ar wnathoed e|hun yn|y uywyt
ac yd archassei ef y cladu yndaỽ. ~ ~ ~
AC yna trỽy annoc y pobyl o ysgolhei+
gyon a lleygyon. y kymyrth uthur
pendragon coron y teyrnas ac y gwisgỽys
am y pen. Ac y dodet yn urenhin ar. ynys. prydein.
a choffau a|wnaeth ef dehogyl merdin am
y seren. Ac yd erchis gỽneuthur delỽ dỽy
dreic o eur ar y llun y gwelsei ar pen pa+
ladyr y seren. Ac gỽedy daruot gỽneuthur
y rei hynny megys yd archydoed. y gosso+
des y brenin. y neill o·nadunt yg caer wynt
yn|yr eglỽys penhaf. Ac y gadỽys y llall
y harwein yn|y ulaen ynteu pan elhei y
brỽydyr ac ymlad. Ac O|r amser hỽnnỽ all+
an y gelwit ef uthur pendragon. Sef yỽ
hynny yg kymraec uthur pen dreic a merdin
a|daroganassei yn urenhin trỽy y dreic a wel+
AC yna sef a|wnaeth oc +[ sit yn|y se+
ta. Ac ossa y keuynderỽ [ reN.
| « p 179 | p 181 » |