NLW MS. Peniarth 45 – page 260
Brut y Brenhinoedd
260
llong a chan llong gantaỽ. yno yd oed
y bratwyr gan y saesson. Ac yn|yr rann arall
o|r ynys yd oed y priaỽt pobyl a theruysc y
rydunt. Ac gỽedy duunaỽ y saesson ar got+
mỽnt. ymlad a wnaethant yn erbyn kere+
dic urenin. Ac gỽedy y fo y ymlit o le y le hyt
yn cyrcestyr. Ac yna y doeth ymbert nei
y lowis urenin. freinc a gỽrhau y Gotmỽnt
trỽy ammot porth idaỽ ynteu gan Gotmỽnt
y oresgyn freinc ar lowis. Canys aghyf+
reithaỽl y diholyssit o·heni. Ac o|r diwed ym+
lad cat ar uaes a|wnaethant a|cheredic. A|e kym+
mhell ar fo hyt yg kymry. Ac ny orffỽyssỽys
y gotmỽnt hỽnnỽ o lad a llosgi y gỽladoed y+
ny daroed idaỽ dileu holl ỽyneb ynys. prydein. hay+
ach o|r mor y gilyd y gwyr ar gỽraged. Ar gỽe+
isson ar morynyon. Ar yscolheigyon ar|effei+
reit heb trugared a|e distryỽ hyt y prid. Ar
hyn a|dianghassei a foynt yr diffeithỽch y keis+
saỽ amdiffyn eu heneideu. y·uelly y* uelly*
genedyl truan. ynys. prydein. y gwenheeist o|th syber+
wyt ti Canys titheu kyn no hynny a gym+
helleist y teyrnassoed pell y darestỽng it. Ac
gweithon megys gwinllan wedy ymchoelut
ar chwerwed. Ny elly amdiffyn dy wlat na|th
| « p 259 | p 261 » |