NLW MS. Peniarth 45 – page 69
Brut y Brenhinoedd
69
y mae yn llundein y dylyei gỽneuthur ia+
ỽn Canys honno hynaf a phenhaf llys oed
yn ynys prydein. er y dechreu. Ac ynteu a+
uarỽy yn eidyaỽ honno ac yno y gỽnai
ynteu iaỽn dros y ỽr mal y barnei llys
llundein. Ac gỽedy na allỽys caswalla+
ỽn caffel y gỽr y uarnu arnaỽ ỽrth
y ellwyllis*. Gogyuadaỽ auarỽy a
wnaeth gan tyngu yd anreithei y
gyuoeth o tan a|hayarn ony rodhei
y gỽr y uarnu arnaỽ yn llys y brenin.
am y gyflauan ar wnathoed. Ac o ach*+
ochs hynny llidyaỽ yn uỽy a oruc aua+
rỽy ac anteilygu rodi y nei yn ewyllis
y brenin. Ac yna dechreu anreithaỽ a|or+
uc caswallaỽn. kyuoeth auarỽy a|e|losgi.
Ac sef a|wnaeth auarỽy beunyd trỽy
a|char ac estraỽn keissaỽ tangneued
a|chasswllaỽn. Ac gỽedy na chaffei tang+
neued o neb ford y gantaỽ. Anuon a
wnaeth y geissaỽ nerth y gan ulkas+
sar amheraỽdyr ruuein trỽy y llythyr hỽn.
Auarỽy uab llud tywyssaỽc llundein
yn anuon annerch y ulkassar. Ac gỽe+
dy damunaỽ gynt y agheu. weithon yn
| « p 68 | p 70 » |