NLW MS. Peniarth 46 – page 10
Brut y Brenhinoedd
10
hol ac eu hymlit. kanys blỽng uu gan
ỽyr groec y gennedyl a|uuassei y|saỽl
vlỽynneded hynny yg|keithiỽet ydana+
dunt llauassu o·honunt hỽy anuon y
ryỽ lythyr hỽnnỽ na medylyaỽ ohonunt
keissaỽ bỽrỽ gỽed geithiỽet y|arnunt.
ac ỽrth hynny y cauas gỽyr groec ynn
eu kyghor lluydaỽ yn eu hol. a cheissaỽ
eu kymell dracheuen. y|ỽ keithiỽet. ac
val yd|oed pandrasus a|e lu yn kyrchu y
diffeith y|tebygynt bot brutus yndaỽ.
ac val yd oedynt yn mynet heb laỽ y ca+
stell a|elỽit sparaticus y kyrchu a|oruc
brutus yn dirybud vdunt. a|their mil
o ỽyr aruaỽc gantaỽ. kanys yn|diarỽy+
bot y|doethoed brutus a hynny o|ỽyr y+
gyt ac ef. a|e kyrchu a|oruc gỽyr tro v+
dunt yn ỽychyr a|llad aerua diruaỽr
o·nadunt. y|meint a|foes yn geỽilydyus
a oruc pandrasus a gỽyr groec y|bop
mann o|r y|tebyckynt cael dianc. a|cheis+
| « p 9 | p 11 » |