NLW MS. Peniarth 46 – page 176
Brut y Brenhinoedd
176
yn deu uroder yn tyỽyssogyon arnadunt
Sef oed eu henỽ. Hors. a|hengist. ac y+
na yd oed gỽrtheyrn yn dinas a|elỽit
doroben. Sef yỽ hỽnnỽ caer geint. a|che+
nadeu a|deuth at ỽrtheyrn y|uenegi i+
daỽ ry dyuot y kyuryỽ ỽyr hynny y
myỽn llogeu hirion. a|rodi naỽd udunt
a|oruc gỽrtheyrn ac erchi eu dỽyn at ̷+
taỽ. a gỽedy y dyuot ger bronn y|bren+
hin. ragor maỽr oed ar|y|deu uroder o
bryt a gosged noc ar y|lleill. a|rei h
hynny yn tyỽossogyon arnadunt.
a gỽedy edrych o|r brenhin. ar|y|gỽyr tec
hynny. gỽouyn* a|ỽnaeth pỽy oedynt
a|phe|le pann hanoydynt. a phy dayar
y|magyssit erni. a|phy|achos y dothoed ̷ ̷+
dynt y|teyrnnas ef. ac yna yd atte+
baỽd hengist idaỽ dros y getymdeithon.
canys doethaf oed. a|phrudaf. ac ual h
hynn yd attebaỽd. o ti·di uonhedicaf
o|r brenhined. y|gỽlat saxonia y|n ga+
| « p 175 | p 177 » |