NLW MS. Peniarth 46 – page 312
Brut y Brenhinoedd
312
1
tyỽyssaỽc caer loeỽ yn|y llyỽaỽ. ac y|bop
2
bydin o|rei ereill y|rodet tyỽyssogyon o|e|lly+
3
ỽyaỽ. Y|r gynntaf y|rodet araỽn uap kyn+
4
uarch urenhin yr alban. a chadỽr iarll ker+
5
nyỽ am* ar y deheu. ac arall ar asseu. Y|r eil
6
uydin y|rodet gereint garanỽys a|boso o|ryt
7
ychen. Y|tryded y|rodet achell brenhin den+
8
marc. a|lleu ap kynuarch urenhin. llychlynn.
9
Y|r pedỽared uydin y|rodet hyỽel ap emyr.
10
llydaỽ. a gỽalchmei ap gỽyar. ac yn ol y|by+
11
dinoed hynny y|gossot pedeir bydin ereill.
12
ac ym|blaen y gynntaf y|rodet kei pennsỽ+
13
ydỽr arthur. a|bedỽyr benntrullyat. ac y|r eil
14
uydin y rodet hodlyn tyỽyssaỽc rỽytỽn.
15
a|gỽittart tyỽyssaỽc peitaỽ. ac y|r tryded
16
uydin y rodet oỽein o caer lleon. a|dyuyn+
17
ỽas o|gaer geint. Y|r pedỽared uydin y|ro+
18
det uryen o caer uadon. a ionatal o|dorces+
19
tyr. ac ynteu arthur e|hun a|detholes i ̷+
20
daỽ y|lle a|chỽennỽychỽys. ac y|gossodet y
21
dreic eureit yr honn oed yn|lle maner idaỽ
22
ual y|bei honno yn lle castell y|rei brathedic
23
ac y|rei lludedic. ~ ~ ~ ~
| « p 311 | p 313 » |