NLW MS. Peniarth 46 – page 342
Brut y Brenhinoedd
342
1
a|r nos. mal y|dyckei y|tonneu hỽnt ac
2
yma. a|phann deuth y|dyd y doethant y
3
ynys uechans. a elỽit Garnarei. a gỽe+
4
dy caffel y|tir onadunt. cleuychu a|oruc
5
y brenhin o orthrỽm gleuyt o|trymder
6
colli y|ỽyr a|e gyuoeth. a|r mordỽy oed ar+
7
naỽ ynteu. a|r tymestyl. a chynn trymet
8
uu y|heint a|e gleuyt. ac na leỽas ef teir
9
nos. a|thri dieu na bỽyt na diaỽt. a|r pe+
10
dỽeryd dyd y|doeth idaỽ blys kic|hely. a
11
gỽedy menegi hynny y ureint hir. ky+
12
mryt bỽa a|oruc ynteu. a|mynet y crỽy+
13
draỽ yr ynys y edrych a|uynnei duỽ idaỽ
14
caffel blys y arglỽyd. a|gỽedy na|chaei dim
15
Tristỽch maỽr a gymerth yndaỽ rac colli
16
y arglỽyd am na chaffei yr hynn yd|oed y+
17
n|y hỽenychu. a|chany ỽydat beth a|ỽnaei
18
trychu a|oruc dryll o|kehyr y|uordỽyt
19
a|chyllell a|e dodi ar|uer a|e ardymheru
20
yn|da a|e rodi y|catỽallawn y|uỽytta. a gỽedy|y
21
broui ohonaỽ tebygu a|oruc y|mae kic an+
22
yueil gỽyllt oed. a ryuedu na|chaỽssei ef
23
eiroet chỽeith kystal ar|olỽyth ac ar hỽnnỽ.
| « p 341 | p 343 » |