NLW MS. Peniarth 47 part i – page 22
Ystoria Dared
22
1
ỽossogyon o|roec. ac y|brathaỽd ypitws ac
2
sceleneus. a gỽelet gỽedy o|ychel llawer o
3
tyỽyssogyon yn dygyỽydaỽ gann ector
4
dodi a|oruc ef dan|y vryt yn ymgyuarfot
5
ac ef. kanys gỽybot yd oed ony ledit
6
ector y|dygỽydei ormod o|tyỽyssogyon
7
groec. gann y deheu ef. Yg|kyfrwng y pe+
8
theu hynny ymlad a|ỽnaethpỽyt yn
9
greulaỽn. ac ector a|ladaỽd polibet vn
10
o|r tyỽyssogyon deỽraf o|roec. a|thra ytoed yn
11
mynnu y yspeilaỽ y doeth ychel ar hynny
12
ac y|bu uỽy yr ymlad no|chynt. a dirfa+
13
ỽr leuein a gyuodes o|r dinas. ac o|r llu
14
ector a|vrathaỽd ychel yn|y vordỽyt a
15
gỽedy doluryaỽ ychel mỽy no|chynt yd
16
erlynaỽd ef ector. ac ny orffỽyssaỽd yny
17
lladaỽd. a gỽedy llad ector ymhoelut a
18
oruc ychel lu troya ar ffo. a|gỽneuthur
19
lladua uaỽr arnunt. a|e hymlit hyt
20
ym|pyrth y|gaer. a gỽrthỽynebu a|oruc
21
mener idaỽ ac ymlad yn greulaỽn ac
22
ef. ac yn vlin yd enkilyaỽd pob vn ona+
| « p 21 | p 23 » |