Shrewsbury MS. 11 – page 102
Y Groglith
102
a rodei Jessu ẏdunt hỽẏ Ac ẏna ẏd amodassan+
t idaỽ dec ar hugeint aryant Ac ẏna ẏ kei+
ssỽẏs ẏnteu lle amser ẏ weuthur* ẏ urat Ac
ẏ gouẏnnỽẏs ẏ disgẏblon ẏ Jessu pa le ẏ m+
ẏnnei ef parotoi idaỽ ẏ pasc Ac ẏnteu a
erchis ẏdunt hỽy mẏnet ẏ|r dinas at neb+
un a dywedut idaỽ ẏ gan ẏr athro mae
uẏ amser ẏn agos ẏ·gyt a|thydi ẏ gw+
nafi uym pasc vi a|m disgyblon a pha+
rotoi pasc a orugant Ac ˄gỽedy gosper kẏfeist+
ẏdẏaỽ a oruc ef a|e disgẏblon Ac ual yd
oedẏnt ẏn bỽẏta ẏ dywaỽt Jessu Mi a|dẏwed+
af ẏ chwi panẏỽ un ohonaỽch chwi a|m b+
redycha i Ac ẏna ẏ tristaẏssant hỽẏnteu
ac ẏ gouẏnỽẏs pob un onadut* ae miui
athro ae minheu y neb a dotto ẏ laỽ y·gẏt
a|mi ẏn|ẏ|dẏscyl hỽnnỽ a|m bradycha i M+
ab dẏn a gerda ual ẏd ẏscriuennir o·hon+
aỽ ac eissoes gỽae hỽnnỽ ẏr hỽn ẏ rodir
mab dẏn o|e dihenẏdẏaỽ trỽẏdaỽ Da uua+
| « p 101 | digital image | p 103 » |