Shrewsbury MS. 11 – page 16
Gwasanaeth Mair
16
gwell ẏỽ dẏ trugared no buchedeu ỽrth
hẏnny dẏ voli a|wna vẏg gweuẏsseu
Vellẏ ẏn vy mẏwẏt ẏ|th vendigaf
ac ẏ|th enỽ vyn|dỽẏlaỽ a drẏchafaf
Ual ẏ llanwer vẏ eneit o vlonec a
braster ẏ|th uaỽl vẏg geneu a|m gw+
euusseu nef muner Velly ar vẏg geneu
ẏ|th goffeeis ti a|m kymereist ẏ boreu
ẏ|th vedẏlẏaf canys ti a|m nertheist
Dan wasgaỽt dẏ adaned ẏd ẏmdrẏ+
chafaf inneu glẏnaỽd vy eneit ỽrth+
ẏt neu|m kẏmerth dy deheu Ouer
ẏ keissyassant uy eneit ẏ eithafẏon
y dayar ẏd|ant myỽn dỽẏlaỽ cledẏf
y rodir a ranneu catnoeit uẏdant
Llawenheir y brenhin ỽrth duỽ mo+
lir a dẏgo ẏ|r wirioned canẏs distry+
wedic vẏd ẏ geneu a dẏwetto en+
D uỽ a drugarhao ỽrth +wired
ym ac ef a|n bendico eglurder
ẏ ỽẏneb
| « p 15 | digital image | p 17 » |