Shrewsbury MS. 11 – page 94
Ystoria Adda
94
em trỽẏ lywenẏd maỽr o vẏỽn ẏ naỽuetdẏd
ac ẏna medẏlẏỽẏs dauyd pẏ le ẏ plannei
ẏn lle anrydedus katwedic ac yna ẏ dodes
ef hỽẏnt ẏ gadỽ ẏ nos honno mẏỽn kist o
uaen ẏr honn a elwit gwedẏ hẏnnẏ tỽr D+
auyd ar vedỽl dranoeth eu plannu ar eag
Ac adaỽ keitweit a goleuat oc eu gwarch+
adỽ a mẏnet a oruc ẏnteu ẏ orffyỽẏs A|r
nos honno o nerth dỽẏaỽl ẏr hon ẏssẏd rag+
lẏdws ẏr hon nẏ thỽyll ac nẏ thỽẏllir yd a+
eth ẏ teir gỽialen yn vn ac wedẏ gỽreid+
aw ẏn|ẏ garrec a phan welas Dauyd yr an+
ryuedaỽt hỽnnỽ ẏ dywaỽt bot ofn duỽ
ar y kenetloed ẏ dayar kanys maỽrẏdic
yỽ a molyanus ẏn|ẏ weithredoed ac ny|s
symudỽys Dauẏd hỽẏnt oc eu ỻe kan da+
roed y duỽ plannu ẏn rinwedaỽl a Dauẏ+
d a wnaeth mur yg kylch ẏ pren deg|m+
lẏned ar|hugein ẏ bu A|chuuẏd a tẏfaỽd a+
rnaỽ pob blỽẏdyn A dauẏd a dodes ẏ kyssỽ+
| « p 93 | digital image | p 95 » |