BL Additional MS. 19,709 – page 82v
Brut y Brenhinoedd
82v
yr yn oet eleutherius bab y gỽr a ennynaỽd cret
yn gyntaf y ynys prydein heb y diffodi yrydunt vn
amser. A gỽedy dyfot aỽstin megys y dywespỽyt
vchot. ef a|gafas yn ran y brytanyeit archescobaỽt
a seith escobaỽt yn gadarn o egluryon brelatyeit
crefydus valan vchedaỽl a ỻawer o vanachlogo+
ed yn|y rei yd oedynt kenueinoed y duỽ yn kyn+
nal vnyaỽn reol ac vrdas. Ac ym|plith y rei hyn+
ny yn dinas bangor yd oed vanachlaỽc vonhe+
dic yn yr hon y dywedid bot y veint hon o|gỽfent
gỽedy y rennit yn seith ran y bydei trychant my+
nach ym|pop ran. Sef oed eiryf hynny oỻ ygkyt
kant a dỽy|uil y·gyt a|e prioreu a|r preladeit a oed
yn ossodedic vdunt a hynny oỻ yn vuchedaỽl o la+
fur y dỽylaỽ. A|dunaỽt yn abat arnadunt. Gỽr
enryfed y dysc oed hỽnnỽ yn|y keluydodeu. a|r|dunaỽt.
hỽnnỽ pan geissaỽd aỽstin darystygedigaeth y gan
yr escyb idaỽ ef. ac annoc vdunt pregethu y·gyt ac
ef y|r saesson; ynteu a|dangosses drỽy amryfaelon
argumenheu ac aỽdurdodeu yr ysgruthur lan hyt
na dylyynt ỽy darestỽg idaỽ ef. kanys archescob
a oed vdunt e|hunein a bot kenedyl y|saesson yn
dỽyn tref eu tat y arnadunt y treis Ac ỽrth hẏnnẏ
diruaỽr gas oed y·rydunt. ac ny dylyynt dodi mes+
sur ar eu cret na|chytymdeithoccau ac ỽynt am
dim mỽy noc a|r kỽn ac ỽrth hynny edelflet vren+
hin keint. pan welas ef y brytanyeit heb vfydhau
| « p 82r | p 83r » |