Bodorgan MS. – page 103
Llyfr Cyfnerth
103
no a dylyir oll. ac odyna y wadu ynteu rac gỽne ̷+
uthur o·honaỽ yr eil gyflauan. Eil yỽ talu
galanas oll eithyr keinhaỽc a dimei. Ac os
byd godor am hynny. a llad dyn o|r genedyl
am y godor hỽnnỽ. nyt oes ofyn ymdanaỽ.
Tryded yỽ pan enllipper gỽiryon am gelein
ae holi; ac onys gỽatta erbyn oet kyfreith. ac
o|r lledir dyn ymdanaỽ ny dylyir y diuỽyn.
Tri oet kyfreith y dial kelein rỽg dỽy ge ̷+
nedyl ny hanffont on vn wlat. Enuennu
haỽl yn| y dyd kyntaf o|r gysseuin ỽythnos y
llather y gelein. ac ony daỽ atteb erbyn pen
y pytheỽnos; kyfreith yn rydhau dial. Eil yỽ
o|r byd y dỽy genedyl yn vn gantref. enuy+
nu haỽl yn| y trydydyd gỽedy llather y ge ̷+
lein. ac ony daỽ atteb erbyn pen y naỽuet+
dyd; kyfreith yn rydhau dial. Trydyd yỽ
os yn vn gymhỽt y byd y dỽy genedyl;
enuynu haỽl yn trydydyd gỽedy llather
y gelein. ac ony daỽ atteb erbyn pen y
whechetdyd; kyfreith yn rydhau dial
Teir rỽyt brenhin ynt. y teulu nyt oes
diuỽyn am y rỽyt honno onyt tru ̷+
gared y brenhin. Eil yỽ y re o pop march
| « p 102 | p 104 » |