Breudwd Welsh Prose 1300-1425
Cymraeg

Bodorgan MS. – page 86

Llyfr Cyfnerth

86

na thỽg anudon. Os tỽg yno; bit y kyf+
felyp ar drỽs y gagell. Ar tryded weith
uch pen yr allaỽr gyssegyr. Ac os gỽatta
y dy* dros hynny; kadarnhaet yr effei+
rat ar y eir teir·gỽeith. Ac ony chret y
dyn hynny; tyget yr effeirat vn·weith.
ac uelly ny  eillir dim yn| y erbyn.
GAyafty; dec a deu vgeint aryant
a tal y nenpren. A dec ar hugeint
a tal pop fforch a gynhalyo y nenpren.
y meinkeu ar talueinckeu ar ystyffyleu
ar doreu ar kynnoreu ar gordrysseu ar
trothyweu ar tubyst; pedeir keinhaỽc
kyfreith a tal pop vn o·honunt. Y neb
a noetho gayafty; tal·et trayan y werth
Gỽerth kynhayaf·ty; pedeir ar huge+
int o|r byd tỽll taradyr yndaỽ. Ac ony
byd; deu·dec keinhaỽc a tal. Hafty; deu+
dec keinhaỽc a tal. FForch hafty neu kyn+
hayaf·ty;  dỽy geinhaỽc kyfreith
EScubaỽr brenhin; wheuge +[ a tal.
int a tal. Yscubaỽr breyr; truge+
int a tal. Yscubaỽr tayaỽc; dec ar hugeint
a tal. Gadet paỽb y yscubaỽr yn agoret