NLW MS. 24029 (Boston 5) – page 13
Llyfr Blegywryd
13
deu|varch o|r ebran a|geiff ẏ|varch ef.
D Jstein a|uẏd kẏurannaỽc ar ẏ|pedeir
sỽẏdeu ar|hugeint ẏn llẏs. Ran de ̷ ̷+
uỽr a|geiff o|r arẏant a|del ẏgẏt a
guestuaeu brenhinaỽl. Pan rotho ẏ|bren+
hin sỽẏd ẏ|vn o|r sỽẏdogẏon eithẏr ẏ|r rei
arbennic ẏn|llẏs; gobẏr a|gaiff distein ẏ gantaỽ.
pedeir ar|hugeint arẏant. Ac ef a|geiff ẏ
gan ẏ|penkẏnẏd croen hẏd ẏn hẏtref ẏ|w+
neuthur llestri ẏ|gadỽ kẏrrn ẏ|brenhin.
a|e ffioleu. A|hẏnnẏ kẏn rannu ẏ|crỽẏn ẏ
brenhin a|r|kẏnẏdẏon. Croen ewic|heuẏt
a|geiff ẏ|gan ẏ|kẏnẏdẏon ereill pan ẏ|har ̷+
cho o|hanner whefraỽr hẏt wedẏ ẏr wẏth+
nos gẏntaf o|vei. Distein a|geiff kẏmeint
a|deuỽr o|arẏant ẏ|gỽastrodẏon. Ac ef o|gẏ+
freith a|geiff medẏant ẏnn|ẏ gegin. a|r
vedgell. Ac ef bieu gossot bỽẏt ẏ|r|bren ̷+
hin. a|seic vch ẏ|laỽ. ac arall is ẏ|glaỽ. ẏn|ẏ
teir gỽẏl arbennic. a|heilaỽ ar ẏ|brenhin.
ac ar|ẏ|dwẏ|sseic. Distein a|geiff mantell
ẏ|penteulu ẏm pob vn o|r teir gỽẏl arbennic.
Ac ef a|geiff kẏhẏt a|e|vẏs perued o|r|cỽr+
| « p 12 | p 14 » |