NLW MS. 24029 (Boston 5) – page 150
Llyfr Blegywryd
150
vn egỽẏt am|ẏ troet nẏ|dẏlẏir colli dim.
O bop eidon buarth; dimei ẏ dẏd. a|chein+
naỽc ẏ|nos. O|R kadỽ kẏureith o|r moch
dalẏet ẏr hỽch a|deỽisso eithẏr ẏ|tri|llẏd+
ẏn arbennic. a gadet o|r prẏt ẏ|gilẏd. Ac
ẏna knigẏet hi ẏg gỽẏd tẏston ẏ|r per+
chen. Ac onnẏ|s dillỽg o|e chẏureith;
gỽnaet ẏ|deilat ẏ|defnẏd ohonnei. O|R
kadỽ kẏureith o|r deueit; dauat a geffir
ohonunt. a|phẏrllig o bop pẏm llẏd+
ẏn hẏt ẏ cadỽ kẏureith. Sef ẏ kadỽ
kẏureith o|r moch; deudec llẏdẏn a|ba+
ed. Meint ẏ cadỽ kẏureith o|r deueit.
dec llẏdẏn ar|hugeint. a|hỽrd. O|pob
oen ẏ|telir ỽẏ iar hẏt ẏ|cadỽ kẏureith
Ac ẏna oen a|telir drostunt. O|r geiuyr
a|r mẏneu ẏ dadẏl gẏffelẏp. Y neb a
gaffo gỽẏdeu ẏnn|ẏ ẏt; torret ffon
kẏhẏt ac|o|ben ẏ|elin hẏt ẏm|pen y bys
bẏchan ẏnn|ẏ brasset ẏ|mẏnho. A|llad+
et ẏ|gỽydeu ẏnn|ẏr ẏt a|r|ffon. Ac a
ladho ẏ|maes o|r ẏt. talet. Gỽẏdeu a
gaffer ẏn llẏgru ẏt trỽẏ ẏscubaỽr. nev
trỽẏ ẏtlan. gỽascer gỽialen ar eu my+
nẏgleu a|gatter ẏno hẏnnẏ vont veirw
| « p 149 | p 151 » |