NLW MS. 24029 (Boston 5) – page 171
Llyfr Blegywryd
171
hẏnn. Y neb a|vẏnho difỽẏnaỽ tẏst+
olẏaỽleth varỽaỽl. aet ẏn erbẏn ẏ
tẏston. ẏn|gẏntaf ar eu geireu. Od+
ẏna gỽedu eu llỽ. A|tẏget nat tẏst
kẏureithaỽl. Ac enwet ẏr achaỽs.
A|dẏỽedet tẏgu o|r|tẏst anudon. A|thẏ+
get ẏ|deuỽr nat aeth ẏ|tẏst ẏn erbẏn
ẏr achaỽs ẏ|llẏssỽẏt. A rei hẏnnẏ a
elỽir gỽrthtyston. a|dilis vẏdant.
Galỽedigaeth gỽẏbẏdẏeit vẏd ẏ+
n|yr amser ẏ|mẏnho ẏ|neb a|e galỽho
ae kẏn gỽat ac amdiffynn. ae gỽedy
kannẏs ẏr hẏnn a|uu kẏn|dadẏl a
brouant ẏrỽg dadleuỽẏr. Gỽrth+
neu gwybẏdẏeit ẏỽ; pan ẏmdango+
ssont gyntaf ẏn erbẏn amdiffynnwr
o r achwysson hynn. Ac o anudon
kẏhoedaỽc. ae o ẏsbeil kyhoedawc ae
ẏn lletrat. ae ẏn treis ar hedwch
neu o|ẏsgẏmundaỽt geir ẏ|enỽ neu
o digassed honneit ẏn erbẏn am+
diffẏnnỽr. a|r kẏurẏỽ. A|hẏnny kyn
eu mẏnet yn eu kof. Onnẏ dicha+
ỽn ef eu gỽrthneu yn gyureithawl
gỽedẏ hẏnnẏ llẏsser wẏnt megys ty+
| « p 170 | p 172 » |