BL Cotton Cleopatra MS. A XIV – page 40r
Llyfr Cyfnerth
40r
NY dyry ygnat llys aryant yr pen·gu+
astraỽt pan gaffo march y gan y
brenhin. Ran gỽr a| gymer ygnat llys
o aryant daeret. Yn rat y barn pop braỽt
a| perthyno ỽrth y llys. Ef bieu dangos bre ̷+
int guyr y llys a breint eu sỽydeu. Pede+
ir ar| hugeint a geiff y gan y neb y dangos ̷+
so y ureint ae dylyet idaỽ. Pan del gobyr
kyfreith yr braỽtwyr dỽy ran a geiff ef.
Ran deu ỽr a geiff ef or anreith a wnel
y teulu kynyt el ef oe ty. Or gỽrỽynepa*
neb barn yr ygnat llys. rodent eu deu
ỽystyl yn llaỽ y brenhin. Ac or methlir
yr ygnat llys diuarnedic uyd y eir. A| th ̷+
alet werth y tauaỽt yr brenhin. Ac ody ̷+
na na uarnet uyth; Oet a| geiff yr ygnat llys y ymgoffau deugein niwarnaỽt os eirch kyn ymỽystlaỽ. Or methlir y llall
talet y sarhaet yr ygnat llys. Ac yr
brenhin werth y tauaỽt. Sarhaet yg ̷+
nat llys yỽ naỽ mu a| naỽ ugeint ary+
ant. Y alanas a| telir o naỽ mu a| naỽ
ugein mu gan tri dyrchauel. Val hyn
| « p 39v | p 40v » |