BL Cotton Cleopatra MS. A XIV – page 55v
Llyfr Cyfnerth
55v
Y neb a|d·diwato coet a maes rodet lỽ deg
wyr a deugeint heb caeth a heb alldut. a
thri o·honunt yn diouredaỽc o uarchoga ̷+
eth a lliein a gureic. Y neb a adefo llofru ̷+
dyaeth. talet gỽbyl or alanas. Trayan
galanas a daỽ ar y llofrud. Ar deuparth a
rennir yn teir ran. Dỽy ran a| tal kenedyl
y tat. Ar tryded a| tal kenedyl y uam.
O Naỽ affeith tan kyntaf yỽ kyghori
mynet y losci. Eil yỽ duhunaỽ am y
llosc. Trydyd yỽ mynet y losci. Petweryd
yỽ dỽyn y rỽyll. Pymhet yỽ llad y tan.
Whechet yỽ keissaỽ dylỽyf. Seithuet yỽ wy ̷+
thu y tan hyny enynho. Vythuet yỽ en ̷+
ynnu y peth a| losker. Naỽuet yỽ guelet y
llosc gan y odef. Y neb a|d·diwato vn or naỽ
affeith hyn rodet lỽ deg wyr a| deu·geint
heb caeth a heb alldut.
Kyntaf o naỽ affeith lledrat yỽ syllu tỽ ̷+
yll. a cheissaỽ ketymdeith. Eil yỽ du ̷+
unaỽ am ledrat. Trydyd yỽ rodi bỽyllỽrỽ.
| « p 55r | p 56r » |