BL Cotton Cleopatra MS. A XIV – page 80v
Llyfr Cyfnerth
80v
dyuot deu ỽr yn eu herbyn ac eu hym ̷+
rein. ny diwygir udunt. Or byd vn
dyn hagen ygyt ac ỽy yr y vychan ̷+
et onyt mab keuyn uyd ny cholla ̷+
nt dim oe iaỽn. Or dỽc gỽr wreic yn
llathrut. Ae hatal gantaỽ hyt ym|pen
y seithuet dyd heb wneuthur iaỽn idi.
ny dyly guneuthur iaỽn idi hyt ym
pen vn dyd a blỽydyn. yna hagen y dy ̷+
ly cỽbyl iaỽn. Gureic a| el yn llathrut
gan ỽr yn haeduetrỽyd. Ae dỽyn or gỽr
hi ae y lỽyn. neu y perth. neu y ty. Ae
hymrein ae hellỽg dra|e cheuyn. A chỽ+
ynaỽ o·heni hitheu ỽrth y chenedyl ac
yn| y dadleu. Sef a dyly hy yn| y diweir+
deb kymryt tarỽ tri gayaf ac eillaỽ y
loscỽrn ae iraỽ a guer. Ac odyna grynu
y loscỽrn trỽy y dorglỽyt. Ac odyna aet
y wreic y myỽn y ty a dodet y throet ỽrth
y trotheu a chymeret y losgỽrn yn| y dỽy
laỽ. A doet gỽr o pop parth yr tarỽ ac er*+
| « p 80r | p 81r » |