BL Cotton Cleopatra MS. A XIV – page 82r
Llyfr Cyfnerth
82r
ynt oe tei. Y tayogeu bieu eu talu or collir
eithyr gleiueu. A llodreu. a chyllyll. eu me ̷+
irch ỽynteu ny cheidỽ y tayogeu eithyr
y nos. kanys ỽy ae talant or collir y nos.
Cỽynnossaỽc brenhin a| dyry keinhaỽc
yr guassanaethwyr yr arbet yr yscubaỽr
ae uỽyt. Rac eistedyat cantref nyt am ̷+
gen y troedaỽc kerỽyn uragaỽt a| tal yr
brenhin pop blỽydyn. Pan uo marỽ
gỽr gorwlat ar tir dyn arall. vn ar pym ̷+
thec a geiff perchenaỽc y tir dros y uarỽ+
ty·warchen. ar ebediỽ oll yr arglỽyd y am hyny.
Pvm nyn nessaf y werth a diwat beich
keuyn ony holir yn| lletrat. Seith
nyn a diwat pỽn march ony holir yn
lletrat. Deudegwyr a|d·diwat guerth
wheugeint ony holir yn lletrat. Petwar
guyr ar hugeint a diwat guerth punt.
ony holir yn lletrat. Punt yỽ kyuarỽs
gỽr ar teulu yn| y ulỽydyn.
Ebediỽ pop gỽr ryd yỽ wheugeint.
| « p 81v | p 82v » |