BL Cotton Cleopatra MS. B V part ii – page 194r
Llyfr Cyfnerth
194r
rac y|dery. A|thri mis rac yr ysgyueint. A|blwy+
dyn rac y|pelleneỽ. Y|neb a|wertho moch bid
ydan tri heint. y|ỽynyglawc. ar hỽalawc ̷
Ac nad|ysson eỽ perchyll. Y|neb a|wertho deỽe+
id bid ydan tri heint. y|llederw. ar durrud.
a|chlafuyri. Os|gwedy kalan gayaf y|gwerth
bid hyd pan gaffoent eu teir gwala o|r taua+
wl newyd y|gwanhwyn. Y|nep a|wertho lloy+
neỽ dinewyd. bid ydan glafyri hyd wyl
badric. Y|neb a|brynho ysgrybyl rodet lw ar|y
trydyd o|wyr vn vreint ac ef na|s dodes y|me ̷+
wn ty y|bei glafri yndaw seith mlyned kyn
no hynny. O|llad moch dyn. talhed eỽ perchen+
nawc galanas y|dyn.
Y Neb a|lado cath a|warchatto ty ac ys+
gubawr y|brenhin. y|phen a|ossodis yr da+
yar a|e llosgwrn y|ỽyny ar lawr gwastad. Ac
odyna bwry grawn gwenith. Am y|phen hyd
ban gudyei vlaen y|llosgwrn. Cath arall. or iiii.
keynnyawc kyfureith. Teithi cath yw y|bod
| « p 193v | p 194v » |