BL Cotton Cleopatra MS. B V part ii – page 209v
Llyfr Cyfnerth
209v
hin kyn|tewed ar fiol. Diwyn dirwy ymlad
yw. deudeg|mỽw. Diwyn dirwy ledrad kyssw+
ynaw lledrad ar dyn a|diwad ohonaw. a|y
dauawd. a gossod reith a|y ffallỽ. lleidyr ky+
vadeu. can pallws y|reith idaw gwirion o|e
ben e|hỽnan. Ny deliit dim yn|y law ny|che+
ffid dim ganthaw. Deudeg|muw dirwy
a|a arnaw. Tri anhepcor brenhin ynt.
Effeiryad teulv. Yngnad llys. a|teulv.
Tri pheth ny chyfran brenhin a|nep. Y|e+
urgrawn. a|e hebawc. a|e leidyr. Tri phed+
war ysyd. Pedwar achaws yd ymchwe+
lir brawd. Ovyn gwr cadarn. A|chas
galon. A charyad kyueillyon. A|serch da.
Eil pedwar yw y pedeir taryan a|a rwng
dyn a|reith gwlad rac hawl ledrad. Vn
ohonunt yw cadw gwesti. yn gyfureithy+
awl. Nyd amgen no chadw o|pryd gorchy+
uaerwy. hyd y|bore trannoeth. A dodi y|law
drostaw teir|gweith yn|y nos honno. A
| « p 209r | p 210r » |