Cardiff MS. 1.363 (Hafod 2) – page 182r
Brut y Brenhinoedd
182r
1
bryssyaỽ a orvc en porth vdvnt. Ac ena e
2
Gwanhawyt e brytanieit en ỽavr. kanys kynvarch
3
tywyssaỽc trygery a dwy vyl y gyt ac ef
4
a las ena. Ac ena y dygwydassant try wyr
5
nyt amgen. Rykyrỽarch. a boltony. a la+
6
gwyn o bodolan. a bey bydyn tywyssogyon
7
teyrnassoed. er oessoed a delhynt hyt|ỽraỽt a an+
8
rydedynt|eỽ molyant ac eỽ clot. Ac eyssyoes
9
hyt tra ed|oedyt en ymlad a howel ac a Gwal+
10
chmey ny dyangheỽ pwy bynnac a kyvarffey
11
ac vn onadvnt hep kolly y eneyt. a|y gwayw
12
a|e cledyf. Ac gwedy dyvot megys y dywetp+
13
wyt wuchot hyt em plyth bydyn er amher+
14
aỽder en damkylchenedyc oc ev gelynyon e sy+
15
rthyassant e try wyr henny. Ac wrth henny
16
howel a Gwalchmey er rey ny megessynt er
17
ossoed kyn|noc wynt nep well noc wynt pan
18
welssant aerỽa eỽ kytymdedythyon* en wyc+
19
hyr e kyrchassant hvnt ac eman vn o pob parth
20
en kyfredec ac en dywalỽ ac en blynaỽ bydyn
21
er amheraỽder. Ac eyssyoes Gwalchmey me+
22
gys o newyd nerth en llosky en wastat en key+
| « p 181v | p 182v » |