Cardiff MS. 1.363 (Hafod 2) – page 206r
Brut y Brenhinoedd
206r
1
deỽeyt a yssyt ac an gwaskereyst em·plyth
2
e kenedloed. Ac entev katwaladyr e|hỽ+
3
nan y gyt a thrvan lynghes en kyrchv pa+
4
rth|a llydaỽ. ar racdywededyc kwynvan a
5
dywedey entev ar e wed honn. Gwae ynny
6
pechadvryeyt. kanys o achavs en dyrvavr
7
kamwedev ny o|r rey ny ochelassam ny kody
8
dyw hyt tra kahem espeyt y penydyav.
9
Ac wrth henny e mae dyal y kyvaethavc* ve+
10
dyant entev en en dywreydyav nynheỽ oc
11
en ganedyc lawr ac o tref en tat. o|r lle ny al+
12
lassant na|r escotyeyt na|r ffychtyeyt na nep
13
amraỽalyon vradwyr namyn en yskavyn
14
ennyll en gwlat arnadwnt er a delhey o or+
15
messoed pryt nat oed ewyllys dyw ynn|y pre+
16
sswyllyav endy en trakywyd. ef ysyd wyr
17
vravdvr pan weles ef nyny hep ymchwelw+
18
yt y wrth en pechodev na mynnv gorffowys
19
oc|eỽ gwnevthỽr. ac nat oed nep a alley en
20
gwrthlad nynhev o|r teyrnas. ac enteỽ en
| « p 205v | p 206v » |