Cardiff MS. 1.363 (Hafod 2) – page 6v
Brut y Brenhinoedd
6v
ynebỽ ỽdỽnt. Ac gwedy bot yn paraỽt peyry+
ant y cladỽ y mỽr a dỽfyr brỽt ac a|than gwyllt
wynt a|e lloscassant ac a kymhellassant y gwyr
y kylyaỽ tracheỽyn. Ac o|r dywed eyssyoes o peỽ+
nydyaỽl lafỽr ac eyssyeỽ bwyt yn eỽ kody wy+
nt a anỽonassant eỽ kennat hyt at brỽtỽs y erchy
nerth a chanhỽrthwy y kanthaw kanys oỽyn oed
arnadỽnt eỽ gwanhaỽ a gorỽot arnadỽnt rody
eỽ kastell. Ac wrth hynny goỽal a kymyrth brỽt+
ỽs yndaỽ kany wydyat pa wed y galley ynteỽ ry+
dhaỽ y sawl ỽarchogyon honno kanyt oed kanthaw
o nyỽer megys y galley rody kat ar ỽaes yr groe+
gwyssyon. Ac eyssyoes arỽerỽ a orỽc o kyghor
kall doeth. ac ysef oed hỽnnỽ dwyn kyrch nos
am eỽ penn. A chanyt oed fford y galley ynteỽ ey+
lenwy hynny hep kannhwrthwy ỽn o wyr gr+
oec ef a kymyrth attaỽ anacletỽs kytymdeyth
antygonỽs. a noethy cledyf a orỽc a dywedwyt*
ỽrthaỽ yn|y wed honn. Ony wney di yr hyn a or+
chymynnaf y y ty ar cledyf hỽnn y lladaf y dy p+
enn di a phenn antygonỽs dy kydymdeyth. Ac y
sef yw hynny. heno y darpereys y dwyn kyrch n+
os yn dyrybỽd am penn gwyr groec. A|chany ellyr
| « p 6r | p 7r » |