Cardiff MS. 3.242 (Hafod 16) – page 46
Llythyr Aristotlys at Alecsander: Rheolau Iechyd
46
ytteych; na vỽyta dy hoỻ awyd awyd*. gat beth o chỽant
y bỽyt arnat. Nac yf dỽfyr gyt a|th|vỽyt. kanys oeri a
wna r|kyỻa. a rỽystraỽ arnaỽ dreulaỽ y bỽyt a diffodi y
gỽres. O|r goruyd arnat yn anghenreit yfet dỽfyr. yf y+
chydic. a hynny o|r|dỽfyr oeraf a geffych. Pan darffo ytt
vỽyta; kerda wastattir plyd. Pan vynnych gyscu; na chỽsc
ormod. gorffowys aỽr ar|yr ystlys deheu. ac odyno tro ar
ystlys assỽ. a chỽpla dy hun. kanys gỽressogach yỽ yr
ystlys deheu no|r ystlys assỽ. O|r clyỽy dolur y|th gyỻa a
thrymder; dot lawer o|diỻat ymdanat y|dỽyn gỽres y|th
gyỻa. ac yf dỽfyr tỽym a hynny a|beir ytt chỽydu yr|af+
iachuster o*|vo y|th gyỻa. Rodyaỽ ỻawer kynn bỽyt a
wressockaa y kyỻa. Rodyaỽ ỻawer gỽedy bỽyt a waethaa
y kyỻa. kanys heb dreulaỽ o dra·ỻauur y|syrth y|waela+
ỽt y kyỻa. ac yno mac ỻawer o gleuytyeu. Kyscu kynn
bỽyt a|wna dyn yn|gul. kyscu gỽedy bỽyt a wna dyn
yn vreisc. Y nos a vyd oerach no|r dyd. ac o|r achaỽs hỽn+
nỽ kynt y treula y kyỻa hyt y nos noc hyt y dyd. kanys
bo oeraf vo y|tywyd goreu y treula y kyỻa. kanys y
gỽres a syrth o|r aelodeu y gylch y kyỻa. Ot aruer|dyn
o vỽyta dỽyweith yn|y|dyd. ac odyna na bỽytao namyn
unweith; hynny a|waethaa y|kyỻa. Ot aruer dyn o
vỽyta vn·weith yn|y dyd. ac odyna bỽyta dỽyweith
o·honaỽ. hynny heuyt a|waethaa y kyỻa. Y neb a|vỽy+
tao myỽn vn amser ar|y|dyd. ac a symutto hynny y
amser araỻ; hynny a|argyweda y|r kyỻa. dyeithyr o|r
| « p 45 | p 47 » |