Oxford Jesus College MS. 119 (The Book of the Anchorite of Llanddewi Brefi) – page 11r
Ystoria Lucidar
11r
delw ac eilun duỽ. Pa|ryw delw. a|pha|ryw ei+
lvn yw vn duỽ. Delw a gymerir yn ffuryfe ̷+
digaeth eilun o|ryw a|meint a|e drychyr. dwy ̷+
volder ysyd yn|y drindawt. y delw honno yssyd
yn|yr eneit. A|thrwy honno y|mae idaw gwy+
bot auu. ac auyd. a|dyall y|peth kydrychawl.
Ar hynn ny weler. Ac ewyllys y dewissaw da.
Ac y|wrthot y drwc. ac yn vn duw y|maent yr
holl nerthoed. A chyffelybrwyd hynny ysyd
yn|yr eneit. kannys kraff vyd ar yr holl ner ̷+
thoed. A megys nat ymodiwed vn creadur a
duw. Ac ef yn ymodiwes a|phop peth. Velle
nyt oes vn creadur o|r a|weler a|allo ymodiwes
ac eneit. kannys ef a|ymodiwed a|phop cre+
adur gweledic. kanny dichawn y|nef gwrth+
wynebu idaỽ. val na medylyo pethev nefaỽl.
Nar eigyaỽn hyt na medylyo am vffernn.
A|llyna y|substans ysbrydaỽl ef. A|wnaeth
duw dyn a|e dwylaw e|hun. Oe erchi e|hun
drwy y eirev. Ac o|hynny y dangossir bot yn
vreuaỽl y anyan ef. Paham y|gwnaeth ef
dyn o defnyd mor dielỽ a hỽnnỽ. Yr gwarad+
wyd y|gythreul. Ac yr kythrud idaỽ. bot pob
peth prydlit tomlyt llychawl megys hỽn ̷+
nỽ yn medv y gogonnyant y dygwydaỽd
| « p 10v | p 11v » |