Oxford Jesus College MS. 119 (The Book of the Anchorite of Llanddewi Brefi) – page 17r
Ystoria Lucidar
17r
euthur ynn gyffelyp yr egylyonn. Ac o annyan
dyn godef aghev yn annyledus yr hynn oed voy
no|r byt. Ac oed dylyet ar dyn e|hun y|wneuthur.
Paham yntev y|mynnaỽd duỽ y eni o|r wyry. O
petuar mod y|mynnaỽd duỽ wnneuthur dynyon.
Vn yỽ hep dat a|hep vam. Megys adaf o|r dayar.
Yr eil yỽ. o|dat hep vam megys eua o adaf. Y|try+
dyd yỽ. o vam a|that. megys pob dyn ohonam ny
yr aỽr honn. Y petweryd. o|vam e|hvn. megys krist
o|r wyry. A megys y|doeth anghev yr|byt drwy
eua yn vorỽynn. Velly y|doeth Jechyt yr byt
drỽy yrwy veir. Paham o|veir mỽy noc o|vorỽ+
yn arall. Am rodi ohonei gouunet yn gyntaf
eiroet y duỽ kynnal gweryndaỽt yn|y byt hỽnn.
Paham na doeth ef yg|knaỽt kynn diliỽ. yn|y|lle.
pei doethoed kynn diliỽ. ef a|dyỽedei y|mae y gann
y ryeni a|oed neỽyd dyuot o baradỽys y dysges+
synt y|da. Neu pei doethoed ef yn|y lle wedy dilyỽ
wynt a|dyỽedynt y|mae vrth noe ac effream
y|dywedassei duỽ pob peth o|r a dywedessynt. ~ ~
Paham na doeth yntev yn amsser y dedyf. pei do+
ethoed yna. ef a|dyỽedei yr Jdeon y|mae y dedyf
a|e dysgassei wynt yn dogyn. Ar|sarascinyeit a
dyỽedynt y|mae y doethon a|e dysgassei wyntev.
Paham nat annodes yntev dyuot hyt yn diỽed
| « p 16v | p 17v » |