Oxford Jesus College MS. 119 (The Book of the Anchorite of Llanddewi Brefi) – page 61v
Ystoria Lucidar
61v
Awi o|r eglurder. Beth ygyt ar petuar hynny
pei caffut pob peth vrth dy ewyllys megys sel+
yf y|gỽr a gaffei pob peth o|r a|damunei ewyllys
y|gallonn. Awi o|r melyster. Beth ygyt ar
pymb peth hynny pei bydut dy hun kynn yach+
et a moyssen y|gỽr ny siglaỽd deint idaỽ yn|y|oes.
Ac ny thyỽyllaỽd llygat. Awi or|hynaỽster. Beth
ygyt a|hynny. pei bydut kyhyt dy|hoedyl. Ac y
bu vathusalem y|gỽr a|uu vyỽ mil o|vlỽynyded.
Awi o|r maỽredigrỽyd. Ef a|welit ymi pei rodit
deỽis y|dyn ar hynny oll. ef a|deỽissei pob vn o+
honunt ymblaen brenhinaeth. Pỽy|bynnac ha+
gen a|uei arnnaỽ hynny oll o|gampeu deỽiss+
ach oed no|r holl vyt. Reit yỽ ytt deỽi etỽa y
tra vych yn gỽaranndaỽ pethev a|uo gỽell ~.
A|pa|beth ygyt ac a|ennỽit vchot pei bydut kynn
doethet a|selyf y|gỽr a|oed amlỽc idaỽ pob peth
kudyedic. Owi duỽ a|hynny. Beth ygyt a hyn+
ny oll pei bydei pob ryỽ dyn kynn gedymeitheit
ytt. Ac y|bu dauid a|Jonathas yr hỽnn a|gara+
ỽd yn gymeint a|e eneit. Owi o|r gỽynnvydedic+
rỽyd. Beth ygyt a|hynny pei bydei baỽp mor du+
hun a|thi. Ac y|bu lesius a sipio y|gỽyr ny myn+
hei yr vn onnyt a|vynnei y|llall. Owi o|r|duun+
deb. Beth ygyt a|hynny pei bydut kynn gyfo+
| « p 61r | p 62r » |