Oxford Jesus College MS. 20 – page 19v
Owain
19v
llestyr yn gwassanaethu y bỽyt.
namyn eur neu ariant. neu vual
an bỽẏt a deuth yn. a dieu yti gei
na weileis* i eirioet. ac na|s kygleu
bỽyt na llyn. ny welỽn yno y gyffe ̷+
lip. eithyr bot yn well kyweir·dab y bỽ ̷+
yt a|r llynn a weleis i yno. noc yn lle
arall eiryot*. a bỽyta a wnaetham hyt
am hanner bỽyt. ac ny dywaỽt na|r
gỽr. na|r un o|r morẏnnẏon. vn geir
ỽrthyf yt* yna a phan uu debic gan
y gỽr bot yn well gennyf i ymdidan
no bỽyta. amouyn a oruc a mi. pa
riỽ gerded oed arnaf. a pa riỽ ỽr. oe+
dỽn. a dywedut a wnaethaf neu a
wneuthum. bot yn vadus ym kaff+
el ymdydan a mi. ac nad|oed yn|y llẏs
bei kym·eint ac eu dryket ẏmdidan+
dynyon. a vnben heb ẏ gỽr ni a ymdi*+
daneim a thi o·ny bei lesteyr ar dy
| « p 19r | p 20r » |