Oxford Jesus College MS. 20 – page 67r
Saith Doethion Rhufain
67r
dy gwarandaỽ offeren yn dỽywaỽl.
yr aethant o·dieithyr y vynwent y
eisted ar penn carrec y le amlỽc. Ac y+
na y deuth y mab geyr bronn yr am ̷+
heraỽdyr. rỽng deu·ỽr o|r doethon. A gwe+
dy adoli y arglỽyd dat ac erchi idaỽ y ̷
gerennyd. herwyd na hadyassei* ef y
var na|e anuod. A|r gỽr vchaf heb·yr
ef. y gỽr a ỽyr pob peth o|r a vu. ac a vyd.
a|dangosses ym ac y|m athrawon yn
amlỽc trỽy yr arỽyd ar y ỻeuat a|r
seren oleu eglur yn|y hymyl. o dywe+
dỽn. i. vn geir yn yr vn o|r seith niwar+
naỽt na dianghỽn rac agheu. Ac y+
na arglỽyd dat heb y. mab. am y we+
ledigaeth honno y teweis i. arglỽyd.
A|r ymherodres y|m ethrot ac y|m ky+
hudaỽ megys pei bydỽn gelyn ytt
a cheissyaỽ dỽyn dy amherodraeth
a|th thiuetha*. A thebic yỽ hi ỽrthut
ti. amdanaf|i. Ac y|bu y·rỽg y marcha+
| « p 66v | p 67v » |