Oxford Jesus College MS. 57 – page 129
Llyfr Blegywryd
129
talet idaỽ teir bu camlỽrỽ. kynn y chymryt
attaỽ dracheuyn. Ot ysgar gỽr a|e wreic a hi
yn veichaỽc. o|r dyd yd esgoro. kyfrifer idi y
hamser y uagu yr etiued a vo yndi yna. kanys
kyfreith blỽydyn a hanner y mac y vam ef. A
gỽedy hynny ny|s mac dim. Os tỽyỻ·uorỽyn
a|geffir heb wat. y chrys a torrir y tu racdi
a thra|e|cheuyn. ac odyna y gỽr a|dyry idi ende+
ric gỽedy iraỽ y losgỽrn. ac o|r dichaỽn hi y
attal ef herwyd y losgỽrn. kymeret yn|y heng+
wedi. O|r ỻedir gỽr gỽreigyaỽc. y sarhaet a de+
lir yn|gyntaf. ac odyna y werth. traean y sar+
haet hagen a|geiff y wreic. Ot a merch bre+
yr gan wr yn ỻathrut o|e bod. pan atter sef
yỽ y hengwedi. chwech eidon kyhyt eu kyrn
a|e hysgyuarn. Y verch taeaỽc o|r kyfryỽ dadyl
tri eidon kyhyt a|r rei hynny eu kyrn a|delir i+
di. Gwreic gỽr ryd a dichaỽn rodi y manteỻ
a|e chrys. a|e hesgityeu. a|e phenn·ỻiein. a|e blaỽt.
a|e chaỽs. a|e hemenyn. a|e ỻaeth heb gyngor y
| « p 128 | p 130 » |