Oxford Jesus College MS. 57 – page 184
Llyfr Blegywryd
184
haffeitheu. ỻỽ dengwyr a|deugeint a|dyry. ac
ueỻy am dreis neu gyrch kyhoedaỽc. neu torr
gỽarchae o|r holir y dreis neu y ledrat. Y neb a ̷
watto sarhaet heb waet. neu|gleis. gỽadet ar y lỽ
e|hun yn erbyn geir y ỻaỻ. Gỽybydyeit ym|pob
dadyl grym tyston a|gynhalyant. a|chystal a|aỻant
ac|a|dichaỽn tyston ym|pob achaỽs. ~ ~ ~ ~ ~ ~
Dyỽededic yỽ hyt hynn o gyfreith howel
da. a|e arueroed a|e gynneuodeu. Dyỽeda+
dwy yỽ rac ỻaỽ o achwanec kyfreith dyly+
edus y chynnal. a|gossodedic trỽy gyfun+
deb gỽlat ac arglỽyd. nyt amgen no|r|dyny+
on hynn yma ny dylyant sefyỻ eu tystolya ̷+
aeth yn vn ỻe. kyntaf yỽ ohonunt.
C aeth. a mut. a|bydar. a hael byrỻofya+
ỽc. gỽedy treulo a|vo ar|y helỽ. ac a
torro y briodas yn gyhoedaỽc. ac anudonaỽl
kyhoedaỽc. ac a|dycko camdystolyaeth dan
y wybot idaỽ. a mab hyt yn oet pedeir blỽyd
ar|dec. a|gỽr a gyttyo a gỽr araỻ neu aniueil.
| « p 183 | p 185 » |