Breudwd Welsh Prose 1300-1425
Cymraeg

NLW MS. Llanstephan 4 – page 14r

Chwedlau Odo

14r

maỽr o bartrissot a|oruc a|dỽyn ruthyr
udunt a|daly vn a|e yluin. a|deu dan y
dỽy adein. a|deu dan y deutroet. ac yna
ỽrth na aỻei eu daly oỻ; eu coỻi yn ỻỽyr
a|oruc. Megys y dywedir yn ỻadin. Qui
totum cupit totum perdit. ac o|achaỽs
hynny ny lauuryaỽd ef vyth mỽy y ge+
issaỽ daly partrissot. veỻy et cetera. ~ ~ ~ ~
C atno gynt a|doeth y|r ieirdy yn ym+
yl cỽrt uchelwr. a|son a glywspỽ+
yt o|e|dyuotyat ef yno. a|dyuot yna a|w+
naeth gỽeisson o|r ỻys aỻan. a|e ordiwes
a|e vaedu yny yttoed yn varỽ haeach.
ac o damwein diangk y·rỽng amin a
chlỽyt aỻan a|oruc. ac megys y gaỻaỽd ffo
yny doeth y weirglod. ac yno mynet y
orwed myỽn mydỽl o weir a chỽynaỽ
y doluryeu a|oruc a dyuot y gedymdeithes
yno attaỽ. ac erchi a|oruc ynteu idi hi
gyrchu yr offeirat attaỽ megys y gaỻei
gyffessu y bechodeu kynn y varỽ. a|chyr+
chu a|oruc hitheu syaỽndyclyr. Sef oed
hỽnnỽ y keilyaỽc kanys ef yssyd gaplan
y|r aniueileit a|r|adar. A|phan doeth ef
ỻe y gỽelei y catno. ofynhau a|oruc gan
adnabot y|drycaruer. ac o|beỻ erchi idaỽ