NLW MS. 3035 (Mostyn 116) – page 145v

ac y ỻas Jonaual ap meurẏc a|chatỽaỻaỽn ap jeuaf a|e ỻadaỽd. ~

Catwaỻaỽn ap Jeuaf drỽy vudugolyaeth a|weresgynaỽd y gy+

uoeth nyt amgen noc ynys von a|meironẏd a hoỻ wladoed

gỽyned o diruaỽr ystryỽ a|chaỻder a darystygaỽd. ac yna yd

yspeilỽyt ỻywarch ap ywein o|e lygeit. ac y diffeithwyt gotbric

vab herald a|r ỻu du gantaỽ. ac ef ynys von. ac y delit dỽy

vil o dynyon a|r dryỻ araỻ o·nadunt a duc meredud ap ywein

gyt ac ef y|geredigyaỽn a dẏuet ac yna y bu varwolyaeth ar

yr anifeileit yn hoỻ ẏnẏs prydein. ac yna y|bu varỽ Jeuaf ap

idwal ac ywein ap hỽel. ac y|diffeithaỽd y kenedloed lan badarn

a mynyỽ a|ỻan yỻdut a|ỻan garban a|ỻan dydoch. ac yna y|ỻas

Mab abloic. ac y|talaỽd meredud yn deyrnget y|r kenedloed duon.

geinaỽc o|pop dyn. ac y|bu diruaỽr varwolaeth ar y|dynyon rac

newẏn ac y|ỻas ywein vab dyfynwal ac y diffeithaỽd maredud

vaes hyueid. Deg|mlyned a|phetwar|ugein a naỽcant. oed. oet. crist. pan

diffeithaỽd etwin vab einaỽn ac eclis vaỽr tywyssaỽc seis y ar|uoroed

y deheu oỻ vrenhinaetheu Meredud. Nyt amgen dyfet a|chere+

digẏaỽn a gỽhyr a chetweli. ac eilweith y|kymerth ỽẏstlon o|r hoỻ

gyfoeth. a|r dryded|weith y|diffeithaỽd vynyỽ a maredud a hury+

aỽd y ke  nedloed a dothoedynt yn|y ewyỻys gyt ac ef. ac

a diffeithaỽd gỽlat vorgan a|chatwaỻaỽn y vab a vu varỽ ac

yna y duc meibon meuryc gyrch hẏt yg|gỽyned ac y|diffeithỽyt

ynys von. y gan y kenedloed duỽ jeu kyfarchafel ac yna y|bu dir+