Breudwd Welsh Prose 1300-1425
Cymraeg

NLW MS. Peniarth 11 – page 140v

Ystoriau Saint Greal

140v

Arglỽyd heb ỽynteu ef a vyd reit ytti dyuot kanys ueỻy y mae
y gorchymun arnam ni. ỻyma vyng|cret heb·y gỽalchmei nat af|i
yno yr aỽr·honn. Yna ỽynteu a|gymerassant y march erbyn y
ffrỽyn ar vedyr y dỽyn o|e anuod. Ac yna kewilydyaỽ a|oruc gỽ+
alchmei a thynnu cledyf. a|tharaỽ vn onadunt yny dorres y
vreich. A phan weles y ỻaỻ hynny ffo a|oruc gyt a|e gedymdeith.
a dyuot y|r casteỻ balch a|orugant a dangos y|r arglỽydes eu
hamarch. a hitheu a|ovynnaỽd udunt ỽy pỽy a|e|briwassei ue  ̷+
ỻy. Arglỽydes heb ỽynteu gỽalchmei. Pa le y kyfaruv ef a
chỽchỽi heb hi. Ef a|gyfaruu geyrỻaỽ y fforest heb ỽynteu.
a ni a|archassam idaỽ ef dyuot y ymwelet a thydi. ac ny
mynnei ynteu dyuot. a ninneu a|geissyassam y gymeỻ ef.
ac am hynny y torres ef breich vyng|kedymdeith i. Yna y|peris
hitheu canu corn. Ac yna|kỽbyl o varchogyon y casteỻ a|doeth+
ant y·gyt geyr bronn yr arglỽydes. A hitheu a|orchymynaỽd
udunt ỽy vynet yn ol gỽalchmei. a|hi a|weỻaei o gyuoeth ar
baỽp onadunt. ac yd oedynt ỽrth rif pump ar|hugeint. a
megys yd oedynt yn mynet o|r casteỻ nachaf deu varchaỽc
ereiỻ yn|dyuot yn|vriwedic bop vn onadunt. ac yn|dan·gos
eu hamarch y|r arglỽydes. ac megys y gỽnathoed walchmei
ac ỽynt. ac ny eỻynt ỽy y dỽyn ef o|e anuod ny deuei ynteu
o|e vod. A|ydiw ef yn·epeỻ yr aỽr·honn heb hi. Ydiỽ arglỽydes
heb ỽynteu yn beỻach no phedeir miỻtir odyma. Dioer
heb·yr vn o|r marchogyon hyt y gỽelir ymi ffolineb maỽr
yỽ y ymlit ef. kanys nyt enniỻir arnaỽ ef beỻach gystal
a pheidyaỽ ac ef. a thitheu arglỽydes a|e hebrynygeist* ef o|th